Jan Harmenszoon
Steenkamp, die stamvader van die Steenkamps in Suid-Afrika, het
veertien kinders gehad: vier by sy eerste en tien by sy tweede vrou.
Hierdie webwerf
vertel iets van die stamvader en sy familie, en volg dan twee takke van sy
nageslag, die afstammelinge van sy elfde kind, Wilhelm, en sy dertiende kind, Gerrit.
Ons vertel ook iets
van die vrouens wat met Steenkamps getroud is: ons DNA kom mos
darem van twee kante af!
Ons sal graag
die webwerf uitbrei deur ander Steenkamp-informasie by te voeg: as
enigiemand interessante foto's of stories met 'n Steenkamp-strekking wil
bydra, voeg ek graag daarvoor 'n bladsy by.
E-pos anna3mc@yahoo.com
Europese Oorsprong
Jan Harmensz
STEENKAMP, die stamvader van die Steenkamps in Suid-Afrika, het in 1714 na die Kaap gekom van Nieuwkerk
- dis nie duidelik of dit die Hollandse of Belgiese dorpie met dié naam
was nie.
Die "Harmensz" deel van sy naam is 'n patroniem:
voluit "Harmenszoon", menende dat hy die seun was van Harm.
Steenkamp is oorspronlik 'n
Duitse van, Steinkampf.
Hier volg 'n uittreksel uit Familia,
die kwartaalblad vd Genealogiese Vereniging van SA ... dit help nie veel
met ons kennis van Jan Harmensz se tuisdorp nie, maar is interessant omdat dit die
Duitse wortels aandui:
"Daar is onlangs vanaf
'n Mev Juriaanse (gebore Steenkamp) van Leersum, Nederland, 'n
fotostatiese afdruk van die Genealogiese Register van Nederland ontvang.
Die genealogie, sedert die
vesting in Nederland, is as volg:
Frederik Steenkamp kwam
as ruiter vanuit Minden, Duitsland, te Hoorn, Nederland, lidmaat van der
Lutherse gemeente te Hoorn. 1 Oktober 1733 trou [hy met] Anna Engel.
In die voetnota verskyn die
volgende:
De naam Steinkampf
komt in 't laast der 17de en het begin der 18de eeuw in die oude
kerkregisters van Minden voor. In St Martini Minden werden de volgende
kinderen gedoopt van Pieter Steinkampf, "soldat":
Den 18 Juli 1697
Anna Margaretha;
18 Augustus 1689
(moontlik 'n misdruk vir 1699) Peter Albert;
5 November 1702 Anna
Elizabeth.
Den 11 Februari 1714
huwden Peter Steinkampf "afgedankte soldat" met Ilsabe
Maria Timmermans van Volmerdingen. Op 5 Juli 1715 werd den
corrector te Minden Conrad Bernhard Steinkamp (sonder die f
gespel) geboren."
Die afstammelinge van
Frederik Steenkamp verskyn dan verder in die Genealogiese lys. Sy
oudste seun was Frans Wilhelm Steenkamp, gedoop Hoorn 8
November 1735, begrawe Bergen-op-Zoon 8 November 1788.
Dit is ongelukkig dat daar
geen besonderhede opgespoor kan word van die doop van Frederik of
van die SA stamvader Jan Steenkamp in die registers in Minden nie,
en daar kan alleen gegis word wanneer Jan of sy vader Harmen na Nederland
getrek het, en of beide Frederik en Jan afkomstig is van dieselfde
Steinkampf wat in die ou kerkregisters van Minden verskyn.
Jan Harmensz Steenkamp
het
veertien kinders gehad by sy twee vrouens, en ons volg nou die
nasate van sy elfde kind, Wilhelm, en sy dertiende kind, Gerrit.
